«Գոլդեն Սթեյթ Ուորիորզը» դարձավ Բասկետբոլի ազգային ասոցիացիայի չեմպիոն: Գերեզրափակիչ շարքի 5-րդ խաղում «մարտիկները» հայրենի Օքլենդում 129:120 հաշվով հաղթեց գործող չեմպիոն «Կլիվլենդ Կավալիերսին»: Եզրափակիչ շարքի հաշիվը դարձավ 4:1՝ հօգուտ «Գոլդեն Սթեյթի»:
Հանդիպման ամենաարդյունավետ բասկետբոլիստ դարձավ պարտվածների առաջատար Լեբրոն Ջեյմսը: «Կլիվլենդին» նա բերեց 41 միավոր: «Գոլդեն Սթեյթի» կազմում ամենաարդյունավետը 39 միավոր հավաքած Կեւին Դյուրանտն էր, իսկ Սթիվեն Կարին վաստակեց 34 միավոր: Եզրափակիչ շարքի ամենաարդյունավետ բասկետբոլիստ ճանաչվեց Կեւին Դյուրանտը, որն առաջին անգամ է դառնում NBA-ի չեմպիոն:
«Գոլդեն Սթեյթը» այս հաղթանակի շնորհիվ նաեւ կրկնեց «Լոս Անջելես Լեյքերսի» ռեկորդը: Նախկինում միայն լոսանջելեսցիներին էր հաջողվել չեմպիոնի տիտղոսը նվաճել՝ փլեյ-օֆֆում կրելով միայն մեկ պարտություն: «Գոլդեն Սթեյթ Ուորիորսը» պատմության մեջ 5-րդ անգամ հռչակվեց չեմպիոն: