Ինչպես արդեն տեղեկացրել ենք, բռնցքամարտի աշխարհի առաջնությունում հաղթական մեկնարկ է գրանցել Հայաստանի հավաքականի անդամ, 67 կգ քաշային Գուրգեն Մադոյանը՝ 1/32 եզրափակիչում հաղթելով Ալյազ Սիրցելիին:
Աշխարհի առաջնությունում Սլովակիայի ներկայացուցչին հաղթելուց հետո Գուրգեն Մադոյանը խոսել է մենամարտի և իր նպատակների մասին:
«Հավաքականից առաջին մենամարտը ես անցկացրի: Պատասխանատվությունը մեծ էր, ու քանի որ առաջին մենամարտն էր անծանոթ արենայում, մի փոքր լարվածություն կար, բայց հնարավորինս խնդիրը լուծեցի:
Կպատրաստվեմ հաջորդ մենամարտին: Ես այստեղ եմ եկել ոսկե մեդալ նվաճելու համար»,- Հայաստանի բռնցքամարտի ֆեդերացիան փոխանցում է Մադոյանի խոսքը:
