«Մանչեսթեր Սիթիի» կիսապաշտպան Իլկայ Գյունդողանը չի շտապում երկարաձգել պայմանագիրը ակումբի հետ՝ հաղորդում է The Sun-ը։
Աղբյուրի փոխանցմամբ՝ գերմանացի խաղացողի որոշումը պայմանավորված է նրանով, որ «Բարսելոնան» հնարավոր է մեծացնի հետաքրքրությունը Գյունդողանի նկատմամբ ու առաջարկ կատարի անգլիական ակումբին։ Գյունդողանը երջանիկ է «Էթիհադում», բայց Իսպանիայիում կարիերան շարունակելու տարբերակը հնարավոր է դուր գա նրան։
Գյունդողանի գործող պայմանագիրը «Մանչեսթեր Սիթիի» հետ նախատեսված է մինչև 2022 թվականը։ Եթե կողմերը համաձայնության չհասնեն նոր պայմանագրի շուրջ, «քաղաքաբնակները» հնարավոր է վաճառեն Գյունդողանի տրանսֆերը։
Ավարտված մրցաշրջանում Գյունդողանը մասնակցել է 46 հանդիպման ու դարձել 17 գոլի և 5 գոլային փոխանցման հեղինակ։
