«Բարսելոնայի» նախագահ Ժոան Լապորտան հայտարարել է, որ կատալոնական ակումբն իրեն չի կարող թույլ տալ «Բորուսիայի» նորվեգացի հարձակվող Էրլինգ Հալանդի տրանսֆերը։
«Բարսելոնան» չի կարող գնել Հալանդին. նրա տրանսֆերը չափից դուրս թանկ է մեզ համար»,- Լապորտայի խոսքն է հաղորդում Marca-ն։ Ավելի վաղ հաղորդվում էր, որ հարձակվողի համար պայքարում են «Ռեալը», «Մանչեսթեր Սիթին» ու ՊՍԺ-ն։
Ընթացիկ մրցաշրջանում 21-ամյա Հալանդը «Բորուսիայի» կազմում անցկացրած 27 խաղում դարձել է 25 գոլի ու 8 գոլային փոխանցման հեղինակ։ Գերմանական ակումբի հետ նրա պայմանագիրն ուժի մեջ է մինչև 2024 թվականը։