«Մանչեսթեր Յունայթեդի» գլխավոր մարզիչ կնշանակվի ներկայումս «Այաքսը» մարզող Էրիկ տեն Հագը՝ հաղորդում է ESPN-ը։
Ըստ աղբյուրի՝ անգլիական ակումբի ղեկավարները՝ Գլեյզեր եղբայրները, որոշել են ընթացիկ մրցաշրջանի ավարտից հետո նիդեռլանդցի մասնագետին նշանակել գլխավոր մարզչի պաշտոնում։
«Կարմիր սատանաների» գլխավոր մարզչի պաշտոնին հավակնում էին նաև Մաուրիսիո Պոչետինոն (ՊՍԺ), Լուիս Էնրիկեն (Իսպանիայի հավաքական) և Խուլեն Լոպետեգին («Սևիլիա»):
52-ամյա Տեն Հագն «Այաքսը» մարզում է 2017 թվականից։