Կրիշտիանու Ռոնալդուն ճանաչվել է 2021/22 մրցաշրջանում «Մանչեսթեր Յունայթեդի» լավագույն ֆուտբոլիստ։
Հարձակվողը երկրպագուների քվեարկության արդյունքում ստացել է սըր Մեթ Բասբիի մրցանակը։ 37-ամյա ֆուտբոլիստը 4-րդ անգամ է ստանում այս մրցանակը և կիսում է ռեկորդը թիմի դարպասապահ Դավիդ դե Խեայի հետ։
Պորտուգալացին ՄՅՈՒ-ի՝ տարվա լավագույն ֆուտբոլիստի մրցանակն ստացել է նաև 2003/04, 2006/07 և 2007/08 մրցաշրջաններում։ Ռոնալդուն ավարտված մրցաշրջանում ՄՅՈՒ-ի կազմում անցկացրած 38 խաղում խփել է 24 գոլ։