Դորտմունդի «Բորուսիայի» ռմբարկու Էրլինգ Հալանդը չի ցանկանում, որ ակումբը մանրամասն ներկայացնի վնասվածքի բժշկական հաշվետվությունը: Sport1-ի հաղորդմամբ՝ 21-ամյա ֆուտբոլիստը Նորվեգիայի հավաքականից վերադարձել է ոտնաթաթի վնասվածքով, որն ստացել է Հայաստանի ընտրանու դեմ խաղում:
Նմանատիպ իրավիճակ ստեղծվել էր նաև հունվարին. նորվեգացին չէր ցանկանում, որ ակումբը ներկայացնի ազդրի մկանային պատռվածքի բժշկական հաշվետվությունը:
Լրատվամիջոցների կարծիքով՝ Հալանդը խուսափում է հանրայնացնել իր վնասվածքների պատմությունը, որպեսզի խնդիրներ չառաջանան ակումբային գրանցումը փոխելիս:
Ընթացիկ մրցաշրջանում «մեղուների» կազմում Էրլինգն անցկացրել է 26 հանդիպում՝ դառնալով 25 գոլի և 8 ասիստի հեղինակ:
