Հայաստանի ազգային հավաքականի պաշտպան Հովհաննես Համբարձումյանը ճանաչվել է կիպրական «Անորտոսիսի»՝ մարտի լավագույն ֆուտբոլիստ՝ հայտնում է ակումբի մամուլի ծառայությունը:
Համբարձումյանը քվեարկության արդյունքում շրջանցել է 3 թիմակցի:
Հայ ֆուտբոլիստն անցյալ ամիս անցկացրել է 4 հանդիպում, դարձել 1 գոլի և 1 գոլային փոխանցման հեղինակ:
Հովհաննեսն ակումբի մամուլի ծառայության հետ զրույցում շնորհակալություն է հայտնել երկրպագուներին իր օգտին քվեարկելու համար:
Ավելի վաղ հայտնել էինք, որ Համբարձումյանը Կիպրոսի առաջնության 27-րդ տուրի՝ «Արիսի» դեմ խաղում դարձել է գոլի հեղինակ:
