Անգլիայի հավաքականի՝ ԵՎՐՈ 2020-ի եզրափակիչում կրած պարտությունից հետո սոցիալական հարթակում ռասիստական վիրավորանքներ են տեղացել ընտրանու ֆուտբոլիստներ Մարկուս Ռեշֆորդի, Ջեյդոն Սանչոյի ու Բուկայո Սակայի հասցեին:
Հիշեցնենք, որ երեք ֆուտբոլիստներն էլ վրիպել են հետխաղյա 11-մետրանոցից, ինչի արդյունքում Իտալիայի հավաքականն իր պատմության մեջ երկրորդ անգամ հռչակվել է Եվրոպայի չեմպիոն:
Անգլիայի հավաքականի հարձակվող Հարի Քեյնը գրառում է կատարել իր թվիթերյան էջում՝ անդրադառնալով ռասիստական դրսևորումներին:
«Երեք տղաներ, որոնք փայլում էին ամբողջ ամառվա ընթացքում, համարձակություն ունեցան քայլ կատարելու ու իրացնելու 11-մետրանոցն այն պահին, երբ սեղանին իսկապես շատ բան էր դրված: Նրանք արժանի են աջակցության, նաև նրանց հանդեպ երեկ գիշերվանից սկսված ռասիստական դրսևորումների դեմ պայքարում:
Եթե սոցիալական հարթակում ինչ որ մեկին վիրավորում ես, ուրեմն՝ դու Անգլիայի հավաքականի երկրպագու չես, դու մեզ պետք չես»,- գրել է Քեյնը:
Three lads who were brilliant all summer had the courage to step up & take a pen when the stakes were high. They deserve support & backing not the vile racist abuse they’ve had since last night. If you abuse anyone on social media you’re not an @England fan and we don’t want you. pic.twitter.com/PgskPAXgxV
— Harry Kane (@HKane) July 12, 2021