Hulu-ն թողարկել է “Untouchable” դոկումենտալ ֆիլմի թրեյլերը, որը պատմում է Հարվի Վայնշտեյնի աղմկահարույց գործի մասին: Հիշեցնենք, որ վերջինս մեղադրվում է սեռական ոտնձգությունների և բռնաբարությունների մեջ: Ֆիլմի նկարահանումներին մասնակցել են պրոդյուսերի զոհերը, որոնց թվում են դերասանուհիներ Ռոզաննա Արքեթը, Պաս դե լա Ուերտան, Էրիկա Ռոզենբաումը և այլ հայտնիներ:
Ֆիլմի ռեժիսորն է Ուրսուլա Մաքֆարլեյնը, իսկ ֆիլմի համաշխարհային պրեմիերան տեղի ունեցավ «Սանդենս» կինոփառատոնի շրջանակում հունվարին: Արդեն սեպտեմբերին ֆիլմը կհայտնվի Hulu-ում:
Հիշեցնենք, որ Վայնշտեյնի դեմ մեղադրանքները մեծ աղմուկ հանեցին նախորդ տարվա մայիսին: Դրանից մի քանի օր առաջ պրոդյուսերն ինքնակամ հանձնվել է ոստիկաններին: Վայնշտեյնի դեմ մեղադրանքներ են ներկայացվել նաև Լոնդոնում և Լոս Անջելեսում:
2019 թ. Վայնշտեյնը համաձայնվել է վճարել 44 000 000 դոլար բոլոր այն կանանց, որոնց հանդեպ ոտնձգություն է թույլ տվել:
Պրոդյուսերի դատը նախատեսվում է սեպտեմբերին:
Աղբյուր՝ hollywood reporter