Հայաստանի հավաքականի պաշտպան Վարազդատ Հարոյանն առաջին, ոչ պաշտոնական հանդիպումն է անցկացրել իսպանական «Կադիսի» կազմում։
Հարոյանի թիմը ընկերական հանդիպում է անցկացրել իսպանական «Բարբատե» թիմի հետ ու հաղթել է մրցակցին 6-0 հաշվով։ Հարոյանը մասնակցել է հանդիպման երկրորդ խաղակեսին։
Հայ պաշտպանը խաղացել է 17 համարի մարզաշապիկով։
Հարոյանը «Կադիսի» հետ պայմանագիր էր կնքել մայիսին։ Այն նախատեսված է երկու տարով։
