ՈՒԵՖԱ-ն հաստատել է Եվրոպայի 2023 թվականի առաջնության ընտրական H խմբում մինչև 21 տարեկան ֆուտբոլիստների Հայաստանի հավաքականի վերջին երկու հանդիպումների ժամկետները։
ՀՖՖ մամուլի ծառայության հաղորդմամբ՝ 9-րդ տուրի Հայաստան – Ֆրանսիա խաղը տեղի է ունենալու հունիսի 6-ին Երևանում գործող ՀՖՖ Տեխնիկական կենտրոն/ֆուտբոլի ակադեմիայում և սկսվելու է տեղական ժամանակով 20:00-ին։
Ուկրաինայի հավաքականի հետ խմբային մրցաշարի վերջին հանդիպումը մեր ընտրանին անցկացնելու է հունիսի 12-ին նույն վայրում։ Խաղն սկսվելու է 19։00-ին։
Հայաստանի հավաքականը 7 խաղից հետո եզրափակում է ենթախմբի մրցաշարային աղյուսակը։ Մեր թիմը տարել է 1 հաղթանակ և կրել 6 պարտություն։ Ուկրաինային հյուրընկալվելիս զիջել է 1։2, իսկ Ֆրանսիային՝ 0։7 հաշվով։