տուր
01 Հունվար 1970 - 18:40
Լոնդոնում ընթացող օլիմպիական վարկանիշային մրցաշարում շարունակում են հաջող հանդես գալ հայ բռնցքամարտիկները:
Մրցումային 3-րդ օրը ռինգ դուրս կգա Հայաստանի 5 ներկայացուցիչ: Ցերեկվա մրցահեթին Հայաստանից ռինգ դուրս կգան 51 կգ քաշային Անուշ Գրիգորյանը, որի առաջին մրցակիցը կլինի Իտալիան ներկայացնող Ջիորդանա Սորենտինոն, պայքարի մեջ կտեսնենք նաև 75 կգ քաշային Արման Դարչինյանին, որը կփորձի հաղթահարել իտալացի Կավալարո Սալվատորեի արգելքը:
Երեկոյան ասպարեզ դուրս կգա նաև 69 կգ քաշային Գուրգեն Մադոյանը, որը կմենամարտի թուրք Էքինջի Նեջատի հետ: Իսկ եթե 52 կգ քաշային Կորյուն Սողոմոնյանը ու 57 կգ քաշային Արթուր Բազեյանը հաղթանակներ տանեն, կնվաճեն Օլիմպիական ուղեգրեր: Սողոմոնյանի մրցակիցը լինելու է Իսրայելի դրոշի ներքո հանդես եկող Դավիթ Ալավերդյանը, իսկ Բազեյանինը՝ ուկրաինացի Միկոլա Բուտսենկոն: