Ծանրամարտի տղամարդկանց Հայաստանի ազգային հավաքականի գլխավոր մարզիչ Փաշիկ Ալավերդյանի ղեկավարությամբ վաղը մեր ընտրանու հինգ առաջատար մարզիկ կմեկնի ԱՄՆ՝ մասնակցելու «Բարեկամության գավաթ» մրցաշարին՝ տեղեկացնում է ՀԱՕԿ-ի կայքը։
Լաս Վեգասում հունիսի 29-ից հուլիսի 9-ն անցկացվելիք միջազգային ներկայացուցչական մրցաշարին մարզաձևի ԱՄՆ-ի ֆեդերացիայի անվանական հրավերով մասնակցելու են լավագույն ծանրորդները։
Հայաստանը ներկայացնելու են Անդրանիկ Կարապետյանը (89 կգ), Դավիթ Հովհաննիսյանը (96 կգ), Սամվել Գասպարյանը (109 կգ) և գերծանր քաշայիններ՝ Գոռ Մինասյանն ու Վարազդատ Լալայանը: