Հայ ծանրորդները Ծաղկաձորում ավարտել են Եվրոպայի առաջնությանը նախապատրաստվելու հերթական ուսումնամարզական հավաքը։
Այս անգամ, ՀԱՕԿ-ի հաղորդմամբ, մարզիչներն առավելապես ուշադրություն են դարձրել անհատական մարզումներին։ Կարևորվել են նաև մարզիկների առողջական և բարոյահոգեբանական վիճակը: Հավաքականի բժիշկ Դավիթ Մոսինյանը հայտնել է, որ ծանրորդների վնասվածքները գրեթե բուժվել են, իսկ ընդհանուր մթնոլորտը թիմում, ինչպես միշտ, առողջ է:
Մայիսի 3-ից հավաքականը նախապատրաստությունը կշարունակի Աբովյանի մարզահանգրվանում: Եվրոպայի առաջնությունը մեկնարկելու է մայիսի 28-ին Ալբանիայում։