Ռուսական «Վելեսի» հարձակվողական ոճի կիսապաշտպան Արթուր Գալոյանը շատ մոտ է Մոսկվայի ԲԿՄԱ տեղափոխվելուն:
«Բանակայինները» բանակցություններ են սկսել 21-ամյա ֆուտբոլիստի տրանսֆերը գնելու հարցում՝ տեղեկացնում է Matchtv.ru-ն:
ԲԿՄԱ-ն սկզբում ցանկանում էր փորձաշրջանի հրավիրել Գալոյանին, սակայն մտափոխվել է և մտադիր է անմիջապես գնել տրանսֆերը:
Ավարտված մրցաշրջանում Գալոյանը Ռուսաստանի ազգային լիգայում (ФНЛ) և գավաթի խաղարկությունում մասնակցել է 41 հանդիպման, որոնցում դարձել է 7 գոլի ու 10 գոլային փոխանցման հեղինակ:
Ավելի վաղ կիսապաշտպանը հայտարարել է, որ հրավեր է ստացել Ռուսաստանի երիտասարդական հավաքականից, բայց ցանկանում է խաղալ Հայաստանի ընտրանու կազմում: