Երուսաղեմում ընթացող մինչև 18 տարեկանների աթլետիկայի Եվրոպայի առաջնությունում երևանցի Իզաբելա Առաքելյանը 5,27 մետր արդյունքով եզրափակել է որակավորման Ա խմբի մրցաշարային աղյուսակը։
Հայ մարզուհու արդյունքը 94 սանտիմետրով պակաս է եղել խմբում հաղթած սերբ մարզուհի Էրինա Լիկարի ցուցանիշից և ամենացածրը՝ որակավորման երկու խմբերի բոլոր մասնակիցների շրջանում:
Ավելի վաղ երիտասարդների հեռացատկի որակավորման մրցումների արգելքը չէր հաղթահարել կապանցի Վահե Արզումանյանը, որը 6,03 մետր արդյունքով նույնպես վերջինն էր իր մրցահերթում։ Նա գրավել էր 10-րդ տեղը։