Կապանցի Վահե Արզումանյանը չի կարողացել անցնել Իսրայելում ընթացող մինչև 18 տարեկան մարզիկների աթլետիկայի Եվրոպայի առաջնության հեռացատկի մրցումների եզրափակիչ փուլ։

Որակավորման փուլի իր մրցահերթում հայ մարզիկը, գրանցելով 6,03 մետր արդյունք, գրավել է վերջին՝ 10-րդ տեղը։

Աղջիկների նույն մրցաձևում Հայաստանը ներկայացնելու է երևանցի Իզաբելա Առաքելյանը։ 

Ստուգատեսի մեկնարկից առաջ Հայաստանի հավաքականի գլխավոր մարզիչ Գրիգոր Բարսեղյանը VNews-ին ասել էր, որ Հայաստանի մասնակիցների արդյունքներն առանձնապես լավատեսություն չեն ներշնչում, ուստի մրցումների հաջորդ փուլ դուրս գալը կհամարվի մեծ հաջողություն։