Հայաստանը ներկայացված կլինի Կարատեի եվրոպական ֆեդերացիայի հովանու ներքո Թուրքիայում անցկացվելիք աշխարհամասի առաջնությունում։
Մարզաձևի հայկական ազգային ֆեդերացիան տեղեկացնում է, որ թիմը Գազիանտեպ քաղաք է մեկնել հավաքականի գլխավոր մարզիչ Սերյոժա Մակարյանի ղեկավարությամբ։ Մրցումներն անցկացվելու են մայիսի 25-29-ը։
Պատվիրակության կազմում են նաև ՀԿԱՖ-ի գլխավոր մրցավար, WKF միջազգային կարգի մրցավար Արտյոմ Վասիլյանը, մարզիչներ Արման Մակյանն ու Աշոտ Մխիթարյանը: