ՖԻՎԲ-ի միջազգային կարգի մրցավար Նարեկ Շիրինյանն սպասարկելու է ապրիլի 22-24-ը Նիդեռլանդներում անցկացվելիք 17-18 տարեկան աղջիկների վոլեյբոլի Եվրոպայի առաջնության ընտրական երկրորդ փուլի D ենթախմբի հանդիպումները` VNews-ին տեղեկացրել է հայ մրցավարը:

Երևանցի մրցավարը VNews-ին հայտնել է, որ այդ ենթախմբում ընդգրկված են Նիդեռլանդների, Պորտուգալիայի, Վրաստանի և Հունաստանի հավաքականները։

Մրցաշարում աշխատելու են նաև Ֆրանսիան, Նորվեգիան և Իսլանդիան ներկայացնող մրցավարներ։

Շիրինյանը նշեց, որ մրցավայրում է որոշվելու, թե որ թիմերի մասնակցությամբ խաղն է սպասարկելու կոնկրետ մրցավարը։