Իսպանիայում ընթացող «Ֆորմենտերա ֆեստիվալ» շախմատի միջազգային մրցաշարում գրոսմայստերներ Հայկ Մարտիրոսյանը և Շանթ Սարգսյանը շարունակում են կես միավորի տարբերությամբ ընթանալ ենթաառաջատարների խմբում։
6-րդ տուրում նրանց մրցակցային ուղիները հատվեցին։ Պարտիան ավարտվեց ոչ-ոքի։ Այդպիսով՝ մեր շախմատիստները, վաստակելով 4,5-ական միավոր, իսպանացի Միգել Ռուիս Սանտոսի և նիդեռլանդցի Լիամ Վրոլիյկի հետ բաժանում են 4-6-րդ տեղերը։ Լրացուցիչ ցուցանիշներով Մարտիրոսյանն զբաղեցնում է 5-րդ, իսկ Սարգսյանը՝ 6-րդ տեղը։
Առջևում են 5-ական միավոր վաստակած հնդիկ Դոմարայու Գուկեշը և իսպանացիներ Խայմե Լատասա Սանտոսն ու Ֆերնանդո Կուենկան։
Մասնակցում է 20 երկրի 54 շախմատիստ։