Ծանրամարտի Հայաստանի տղամարդկանց հավաքականը, որն այս օրերին ուսումնամարզական հավաք է անցկացնում Աբովյանում, այսօրվա մարզումը անցկացրեց միջազգային չափանիշներին համապատասխան նոր մարզագույքով:
Եվրոպայի ու աշխարհի առաջնությունների մեդալակիրների մարզմանը ներկա էին նաև ՀՀ կրթության, գիտության, մշակույթի և սպորտի նախարար Վահրամ Դումանյանը ու փոխնախարար Կարեն Գիլոյանը:
Հայաստանի հավաքականի գլխավոր մարզիչ Փաշիկ Ալավերդյանն ուրախությամբ նշեց, որ այս կարգի մարզագույք ունենալը մեր ընտրանու երազանքն էր ու հավելեց, որ շվեդական «Eleiko» ապրանքանիշի մարզագույքը հայտնի է իր ճկունությամբ ու երկարակեցությամբ:
Գիլոյանն ասաց, որ այս թվաքանակը (1 մրցումային հարթակ և 20 ծանրաձողի լրակազմ) առայժմ կօգնի բավարարել եղած պահանջները. 6 ծանրաձող կուղարկվի Գյումրի, ևս մեկը՝ Վանաձոր:
- 5