Ֆուտբոլի Ազգերի լիգայի B դիվիզիոնի առաջին խմբի նախավերջին՝ 5-րդ տուրում Հայաստանի հավաքականը Վազգեն Սարգսյանի անվան «Հանրապետական» մարզադաշտում մրցեց ուկրաինացիների հետ ու պարտվեց 0-5 հաշվով:
Հյուրերի կազմում դուբլ գրանցեց ուկրաինական «Դնեպր-1»-ի հարձակվող Արտյոմ Դովբիկը, մեկական անգամ աչքի ընկան Կիևի «Դինամոյի» կիսապաշտպան Օլեքսանդր Տիմչուկը, Դոնեցկի «Շախտյորի» հարձակվող Օլեքսանդր Զուբկովն ու ֆրանսիական «Բորդոյի» կիսապաշտպան Դանիլ Իգնատենկոն:
5 տուրից հետո Հայաստանի հավաքականը 3 միավորով B դիվիզիոնի առաջին խմբի 4-րդ տեղում է, Ուկրաինան 10 միավորով առաջատարն է: 9 միավոր ունեցող Շոտլանդիայի հավաքականն այս տուրում տնային հանդիպում կանցկացնի իռլանդացիների հետ, որոնք ունեն 4 միավոր։
Վերջին տուրում իսպանացի Խոակին Կապառոսի գլխավորած թիմը սեպտեմբերի 27-ին Դուբլինում կմրցի Իռլանդիայի հավաքականի հետ և միայն հաղթանակի դեպքում կպահպանի տեղը B դիվիզիոնում։
Հիշեցնենք, որ առաջին շրջանում Հայաստանի հավաքականը հյուրընկալվելիս 0-3 հաշվով պարտվել էր Ուկրաինայի թիմին, որը Լեհաստանում կայացած խաղում բոլոր գոլերը խփել էր երկրորդ խաղակեսում։
Վիճակագրություն
- Գնդակին տիրելու տոկոսային հարաբերակցություն՝ 41% - 58%
- Հարվածներ՝ 8-13
- Հարված դարպասին՝ 4-6
- Անկյունայիններ՝ 2-6
- Կանոնների խախտումներ՝ 4-16
- Դեղին քարտեր՝ 2-2
- Սեյվեր՝ 1-4
- Խաղից դուրս վիճակ՝ 4-0
- Փոխանցումներ՝ 303-503
- Ճշգրիտ փոխանցումներ՝ 238-440
Ազգերի լիգա, B դիվիզիոն, 1-ին խումբ, 5-րդ տուր
Հայաստան - Ուկրաինա՝ 0-5
Օլեքսանդր Տիմչուկ, 22, Օլեքսանդր Զուբկով, 57, Արտյոմ Դովբիկ, 69, 84, Դանիլ Իգնատենկո, 81
