Մինչև 19 տարեկան աղջիկների Հայաստանի հավաքականը երկրորդ պարտությունը կրեց Անդորրայում ընթացող տարիքային այդ խմբի Եվրոպայի առաջնության ընտրական մրցաշարում։
Գագիկ Տեր-Գևորգյանի սաները 0։2 հաշվով զիջեցին Վրաստանի հասակակիցներին։ Հանդիպման ելքը վճռեցին Մայիկո Բեբիայի (47-րդ րոպեին) և Մարիամ Մոդրեկիլաձեի (55) խփած գոլերը։
Մրցաշարի առաջին խաղում մեր թիմը 0։8 հաշվով պարտվել էր Սլովակիայի հավաքականին։
Բ լիգայի 5-րդ խմբի վերջին խաղում մեր ընտրանին ապրիլի 11-ին կմրցի Անդորրայի հասակակից հավաքականի հետ։