Տրանսֆերային շիլաշփոթից անմասն չեն նաև Հայաստանի ազգային հավաքականի ֆուտբոլիստները, ինչպես նաև այն խաղացողները, ովքեր ընտրանի հրավիրվելու թեկնածուների թվում են:
Հայազգի ֆուտբոլիստները նոր մրցաշրջանին ընդառաջ տեղափոխվում են նոր ակումբներ՝ այնտեղ ամրապնդվելու և հավաքականի համար ավելի օգտակար ֆուտբոլիստ լինելու համար:
VivaroNews.am-ը ներկայացնում է նոր ակումբներ տեղափոխված 10 ֆուտբոլիստների, ովքեր վերջին շրջանում պարբերաբար հրավեր են ստացել Հայաստանի ազգային և երիտասարդական հավաքականներից: Հետագայում կանդրադառնանք նաև ընտրանու թեկնածուների՝ ակումբային կարիերայում կատարված փոփոխություններին:
Վարազդատ Հարոյան – 24 տարեկան
«Փադիդեից» (Իրան) տեղափոխվել է «Ուրալ» (Ռուսաստան)
Նախորդ մրցաշրջանում՝ 25 հանդիպում, 0 գոլ
«Ուրալը» Ռուսաստանի Պրեմիեր լիգայի նախորդ առաջնությունում՝ 11-րդ հորիզոնական
Դավիթ Մանոյան – 27 տարեկան, Տարոն Ոսկանյան – 24 տարեկան
Երկուսն էլ՝ «Կարմիոտիսայից» (Կիպրոս) տեղափոխվել են «ՆԵԱ Սալամիս» (Կիպրոս)
Նախորդ մրցաշրջանում՝ Դավիթ Մանոյան՝ 22 հանդիպում, 1 գոլ, Տարոն Ոսկանյան՝ 28 հանդիպում, 1 գոլ
«ՆԵԱ Սալամիսը» Կիպրոսի Բարձրագույն խմբի նախորդ առաջնությունում՝ 8-րդ հորիզոնական
Գաել Անդոնյան – 22 տարեկան
«Վերիյայից» (Հունաստան), որտեղ խաղում էր վարձավճարով, վերադարձել է «Մարսել» (Ֆրանսիա)
Նախորդ մրցաշրջանում՝ 10 հանդիպում, 0 գոլ
«Մարսելը» Ֆրանսիայի նախորդ առաջնությունում՝ 5-րդ հորիզոնական
Գոռ Մալաքյան – 23 տարեկան, Էդգար Մալաքյան՝ 26 տարեկան
Երկուսն էլ՝ «Ստալից» (Ուկրաինա) դեռևս ոչ պաշտոնապես տեղափոխվել են «Բանանց» (Հայաստան)
Նախորդ մրցաշրջանում՝ Գոռ Մալաքյան՝ 19 հանդիպում, 0 գոլ, Էդգար Մալաքյան՝ 26 հանդիպում, 0 գոլ
«Բանանցը» Հայաստանի Բարձրագույն խմբի նախորդ առաջնությունում՝ 5-րդ հորիզոնական
