Աշխարհ, Աշխարհի գավաթ. Եվրոպա. Որակավորում, 1-ին Փուլ 4 տուր
02 Սեպտեմբեր 2021 - 22:45
Հյուսիսային Մակեդոնիա
Հայաստան
Ինչպես արդեն տեղեկացրել ենք, Հայաստանի ազգային հավաքականը սկսել է մարզումները, իսկ մարզական հավաքը կմեկնարկի օգոստոսի 29-ին:
ՀՖՖ-ի հաղորդմամբ՝ այսօր կայացած առաջին մարզմանը մասնակցել են 12 ֆուտբոլիստներ՝ դարպասապահներ Արսեն Բեգլարյանը և Անատոլի Այվազովը, պաշտպաններ Արման Հովհաննիսյանը, Հրայր Մկոյանը և Դավիթ Տերտերյանը, կիսապաշտպաններ Տիգրան Բարսեղյանը, Սոլոմոն Իմե Ուդոն, Վբեյմար Անգուլոն, Ժիրայր Շաղոյանը, Արտյոմ Ավանեսյանը և Էրիկ Վարդանյանը, հարձակվող Ալեքսանդր Կարապետյանը:
Դավիթ Յուրչենկոն անհատական մարզում է անցկացրել, իսկ Արտակ Գրիգորյանը և Տարոն Ոսկանյանը չեն մասնակցել մարզմանը, քանի որ «Ալաշկերտի» կազմում նախապատրաստվում են այսօր կայանալիք «Ալաշկերտ»-«Ռեյնջերս» հանդիպմանը:
Կամո Հովհաննիսյանը և Իշխան Գելոյանը հավաքականին կմիանան օգոստոսի 27-ին, իսկ Խորեն Բայրամյանը, Էդուարդ Սպերցյանը և Դավիդ Դավիդյանը՝ օգոստոսի 28-ին: Մնացած բոլոր ֆուտբոլիստները, բացառությամբ Վարազդատ Հարոյանի, կմիանան ազգային հավաքականին օգոստոսի 30-ին՝ Սկոպյեում: Հաշվի առնելով, որ Վարազդատ Հարոյանը բաց է թողնելու Հյուսիսային Մակեդոնիայի դեմ հանդիպումը՝ նա հավաքականին կմիանա սեպտեմբերի 2-ին՝ Սկոպյեում:
Ազգային հավաքականը Սկոպյե կմեկնի չարտերային ուղերթով՝ օգոստոսի 30-ի առավոտյան:
Հիշեցնենք, որ Հայաստանի հավաքականը սեպտեմբերյան հավաքի ընթացքում անցկացնելու է 3 հանդիպում ԱԱ 2022-ի ընտրական մրցաշարի շրջանակում:
Սեպտեմբերի 2-ին Հայաստանի հավաքականը կհյուրընկալվի Հյուսիսային Մակեդոնիայի հավաքականին, սեպտեմբերի 5-ին՝ Գերմանիայի ընտրանուն, իսկ սեպտեմբերի 8-ին կընդունի Լիխտենշտեյնի հավաքականին:
ԱԱ 2022-ի ընտրական մրցաշարում Հայաստանի ազգային ընտրանն ընդգրկված է J խմբում Գերմանիայի, Հյուսիսային Մակեդոնիայի, Ռումինիայի, Իսլանդիայի ու Լիխտենշտեյնի հավաքականների հետ:
Անցկացրած 3 խաղից հետո Խոակին Կապառոսի սաները 100-տոկոսանոց արդյունքով(9 միավոր) միանձնյա գլխավորում են խմբի մրցաշարային աղյուսակը: Հյուսիսային Մակեդոնիայի ու Գերմանիայի հավաքականները 6-ական միավորով համապատասխանաբար 2-3-րդ հորիզոնականում են:
Լուսանկարները՝ ՀՖՖ-ի
- 13