Հայաստանի հավաքականի ֆիզպատրաստության գծով մարզիչ Խավիեր Մինյանոն ընդգրկվել է «Վալենսիայի» նորանշանակ գլխավոր մարզիչ Ալբերտ Սելադեսի մարզչական շտաբում, որի մասին հաստատել է անձամբ Սելադեսը «չղջիկների» պաշտոնական կայքին տված հարցազրույցում:
Մինյանոն Հայաստանի հավաքականում աշխատում է 2018 թվականի նոյեմբերի 6-ից: Իսպանացի մասնագետը նաև 11 տարի աշխատել է «Ռեալում»: Ընդգրկված է եղել Վիսենտե դել Բոսկեի մարզչական շտաբում, որի ընթացքում՝ 2000 և 2002 թվականներին «Արքայական ակումբը» հաղթել է Չեմպիոնների լիգան:
Մինյանոն երկար տարիներ աշխատել է նաև Իսպանիայի հավաքականում, իսպանական «Ռասինգում», թուրքական «Բեշիկթաշում» և Հարավային Կորեայի հավաքականում: