Հայաստանի ազգային հավաքականը պահպանել է 92-րդ տեղը ՖԻՖԱ-ի համաշխարհային դասակարգման սանդղակում՝ տեղեկացնում է Ֆուտբոլի միջազգային ֆեդերացիայի պաշտոնական կայքը։

Չնայած դրան՝ Հայաստանի ընտրանու ցուցանիշը նվազել է 2,71 վարկանիշային միավորով՝ հասնելով 1242,42-ի։ Հունիսին Հայաստանի հավաքականն Ազգերի լիգայի B դիվիզիոնի խմբային մրցաշարում հաղթել է Իռլանդիային (1։0), պարտվել է Շոտլանդիային (0։2 և 1։4) և Ուկրաինային (0։3)։

Հայաստանի հավաքականի մրցակիցներից Ուկրաինան զբաղեցնում է 27-րդ, Շոտլանդիան՝ 45-րդ, իսկ Իռլանդիան՝ 47-րդ տեղը։

Առաջին տասնյակում գրանցվել են ներքին տեղափոխություններ.

1. Բրազիլիա՝ 1837,
2. Բելգիա՝ 1821,
3. Արգենտինա՝ 1770,
4. Ֆրանսիա՝ 1764,
5. Անգլիա՝ 1737,
6. Իսպանիա՝ 1716,
7. Իտալիա՝ 1713,
8. Նիդեռլանդներ՝ 1679,
9. Պորտուգալիա՝ 1678,
10. Դանիա՝ 1665 միավոր։  

Մեզ կարող եք հետևել նաև Telegram-ում