Հայաստանն առաջին կորուստներն ունեցավ Երևանում ընթացող բռնցքամարտի Եվրոպայի առաջնությունում։
Այսօր՝ ցերեկային մրցահերթում, Ջանիկ Սահակյանը (54 կգ) 1/8 եզրափակիչում պարտվեց Ուկրաինան ներկայացնող Ելմիր Նաբիևին, իսկ Նարեկ Զախարյանը (71 կգ) 1/16 եզրափակիչում զիջեց սլովակ Միխալ Թաքակսին։
Երեկոյան Համբարձում Հակոբյանը (80 կգ) 1/8 եզրափակիչում կպայքարի մոլդովացի Դմիտրի Կոսցյուկի հետ։
Նախօրեին 75 կգ քաշային Վախթանգ Հարությունյանը 1/16 եզրափակիչում հաղթել էր լեհ Բարտոշ Գոլեբիևսկիին։ Նա վաղը՝ ցերեկը, կմրցի գերմանացի Բոկայ Կևին Շչումանի հետ։
Առաջնության մենամարտերը կարող եք դիտել «Վիվառո սպորտ պլուս» և «Վիվառո Արենա» հեռուստաալիքներով: