Անդրանիկ Կարապետյանը (89կգ), Սամվել Գասպարյանը (102կգ) և Վարազդատ Լալայանը(109կգ) մասնակցում են Ուզբեկստանի անկախության օրվան նվիրված ծանրամարտի միջազգային առցանց մրցաշարի անդրանիկ խաղարկությանը։
Նախապես Հայաստանին հատկացված է եղել 5 տեղ, սակայն Սիմոն Մարտիրոսյանն ու Գոռ Մինասյանը, որոնք շարունակում են ապաքինվել վնասվածքից, հրաժարվել են մասնակցությունից։
Հայ ծանրորդները մրցաշարին մասնակցում են Աբովյանից, որտեղ նաև ուսումնամարզական հավաք են անցկացնում։
Օգոստոսի 29-ին ելույթ է ունեցել Անդրանիկ Կարապետյանը՝ երկամարտի 355կգ (165+190) արդյունքով զբաղեցնելով 4-րդ հորիզոնականը, ընդամենը 1կգ պակաս գլխավերևում պահելով բրոնզե մեդալակիր դարձած լատվիացի ծանրորդից։
Հայաստանի մյուս երկու ներկայացուցիչները ելույթ կունենան այսօր՝ օգոստոսի 30-ին՝ մրցաշարի եզրափակիչ օրը։
