Մայիսի 14-22-ը Ֆրանսիայի Դովիլ քաղաքում անցկացվելիք դպրոցականների համաշխարհային 19-րդ գիմնազիադային մասնակցող 64 երկրի պատվիրակների թվում են լինելու նաև Հայաստանի ներկայացուցիչները։
Մեր երկրի պատվիրակության կազմում, ինչպես ՀԱՕԿ-ի կայքին տեղեկացրել է դպրոցականների հանրապետական մարզական ֆեդերացիայի նախագահ Արա Մեհրաբյանը, ընդգրկված է 39 մարզիկ, որոնք մասնակցելու են բռնցքամարտի, ազատ և հունահռոմեական ոճերի ըմբշամարտի, ձյուդոյի, թաեքվոնդոյի և սեղանի թենիսի մրցումներին։
Ընդհանուր առմամբ մրցասպարեզներում պայքարի է բռնվելու ավելի քան 3600 մարզիկ-մարզուհի, որոնք 20 մարզաձևերում վիճարկելու են մեդալների 17 հավաքածու։ Խաղերի ծրագրում ընդգրկված է նաև պարալիմպիկ 3 մարզաձև։