Հայաստանի երրորդ ներկայացուցիչն ավարտեց պայքարը Երևանում ընթացող բռնցքամարտի Եվրոպայի առաջնությունում։
Վախթանգ Հարությունյանը (75 կգ) միավորներով զիջեց Գերմանիան ներկայացնող Բոակի Կևին Շչումանին և դուրս մնաց հետագա պայքարից։ Մեր մարզիկն այդպես էլ «հակափաստարկ» չներկայացրեց մրցակցին։ Շչումանն անցավ քառորդ եզրափակիչ։ Մինչև այդ Հարությունյանը հաղթել էր լեհ Բարտոշ Գոլեբիևսկիին։
Նախօրեին Համբարձում Հակոբյանը (80 կգ) 1/8 եզրափակիչում հաղթել էր մոլդովացի Դմիտրի Կոսցյուկին, Ջանիկ Սահակյանը (54 կգ) և Նարեկ Զախարյանը (71 կգ) նույն փուլում պարտվել էին համապատասխանաբար Ուկրաինան ներկայացնող Ելմիր Նաբիևին և սլովակ Միխալ Թաքակսին։
Այսօր՝ երեկոյան, Կարեն Տոնականյանը (60 կգ) 1/8 եզրափակիչում մրցելու է հունգարացի Ռոլանդ Վերեշի հետ։
Առաջնության մենամարտերը կարող եք դիտել «Վիվառո սպորտ պլուս» և «Վիվառո Արենա» հեռուստաալիքներով:
