Մյունխենի «Բավարիան» շարունակում է պատրաստվել 2021-22 մրցաշրջանին: Մինչմրցաշրջանային պատրաստության շրջանակում «Բավարիան» ստուգողական հանդիպում է անցկացրել Մյոնխենգլադբախի «Բորուսիայի» հետ՝ զիջելով 0-2 հաշվով:
«Բավարիայի» կազմում իր երկրորդ հանդիպումն է անցկացրել հայազգի Հրանտ-Լեոն Մամեդովան (Հրանտ Երանոսյան):
Հրանտ-Լեոնը փոխարինման է դուրս եկել 61-րդ րոպեին ու մասնակցել հանդիպման մնացած հատվածին:
18-ամյա կիսապաշտպանն իր նորամուտը «Բավարիայի» հիմնական թիմում նշել է օրեր առաջ՝ «Այաքսի» դեմ ընկերական խաղին:
Մամեդովան 2018 թվականից Մյունխենի «Բավարիայի» համակարգում է։ Կարիերան սկսել է «Հանովերի» երիտասարդական թիմում, ապա մեկ տարի եղել է Դորտմունդի «Բորուսիայի» ակադեմիայում։ 2018-ից «մյունխենցիների» Մ19 ֆուտբոլիստ է(ավելի մանրամասն)։