Գերմանիայի 1-ին Բունդեսլիգայի նորեկ «Շտուտգարտը» նոր մրցաշրջանի նախապատրաստության շրջանակներում մեկնել է Գրասաու քաղաք՝ անցկացնելու ուսումնամարզական հավաք, հաղորդում է ակումբի պաշտոնական կայքը:
Առաջին թիմի հայտացուցակում է նաև Հայաստանի երիտասարդական հավաքականի կիսապաշտպան Հայկ Գալստյանը, ով նախորդ շաբաթ էր պայմանագիր կնքել «Շտուտգարտի» հետ՝ տեղափոխվելով «Բոխումից»:
Հիշեցնենք, որ 19-ամյա Գալստյանը երեկ էր նշել նորամուտն ակումբի կազմում: Նա մասնակցել էր «Շտուտգարտ Կիկերսի» հետ ընկերական հանդիպման (1-1) երկրորդ խաղակեսին:
