Ջերմուկում ընթացող Ստեփան Ավագյանի հուշամրցաշարի 2-րդ տուրն անվանեց միանձնյա առաջատարին: 1,5 միավորով աղյուսակը գլխավորեց Հայկ Մարտիրոսյանը, որը հաղթեց Սարին Նիհալին:
8 շախմատիստ մեկական միավորով հետապնդում է առաջատարին: Նրանց թվում է Մանուել Պետրոսյանը, որի հաշվին գրանցվեց տուրի 2-րդ հաղթանակը: Մանուելի մրցակիցն Ալեքսանդր Դոնչենկոն էր:
Տուրի մյուս 3 պարտիան ավարտվեց ոչ-ոքի. հաշտություն կնքեցին Հանս Նիմանն ու Ամին Տաբատաբաեին, Սամվել Տեր-Սահակյանն ու Դայ Վան Նգուենը, Շանթ Սարգսյանն ու Մամիկոն Ղարիբյանը: