Հռոմում ընթացող ազատ ոճի ըմբշամարտի մինչև 20 տարեկանների Եվրոպայի առաջնությունում 70 կգ քաշային Հայկ Պապիկյանը եզրափակիչում ուժերը չափեց Ադրբեջանի ներկայացուցիչ Սաբիր Ջաֆարովի հետ: Հաղթելով 3-2 հաշվով՝ Պապիկյանը հռչակվեց Եվրոպայի չեմպիոն:
Մինչև այդ հայ ըմբիշը հաջորդաբար հաղթել էր լատվիացի Վիլյամս Լուտկևիչին (10-0), մոլդովացի Պավել Անդրուշկային (10-0) ու հունգարացի Մարսել Նադին (12-2):
