Ա սերիան հրապարակել է ավարտված մրցաշրջանի լավագույն ֆուտբոլիստների անունները:
Իտալիայի 2020/21 առաջնության լավագույն ֆուտբոլիստ է ճանաչվել «Ինտերի» հարձակվող Ռոմելու Լուկակուն: Բելգիացին 36 խաղում 24 գոլ է խփել ու 11 գոլային փոխանցում կատարել:
Լավագույն դարպասապահ է ճանաչվել «Միլանի» ֆուտբոլիստ Ջանլուիջի Դոնարուման: Լավագույն պաշտպանի մրցանակին արժանացել է «Ատալանտան» ներկայացնող Կրիստիան Ռոմերոն:
Լավագույն կիսապաշտպանի մրցանակի համար պայքարում «Ռոմայի» առաջատար Հենրիխ Մխիթարյանից առաջ է անցել «Ինտերի» ֆուտբոլիստ Նիկոլո Բարելան, իսկ լավագույն հարձակվող է ճանաչվել 29 գոլով մրցաշարի ռմբարկու դարձած Կրիշտիանու Ռոնալդուն («Յուվենտուս»):
Իտալիայի առաջնության լավագույն երիտասարդ ֆուտբոլիստ (Մ23) է դարձել «Ֆիորենտինայի» հարձակվող Դուշան Վլահովիչը:
