«Լիվերպուլի» կիսապաշտպան Ջորջինյո Վեյնալդումը, ում պայմանագրի ժամկետն ակումբի հետ ավարտվում է ընթացիկ մրցաշրջանից հետո, կարող է շարունակել կարիերան Գերմանիայում։
Sport1.de-ի լրագրող Ֆլորիան Պլետենբերգը Twitter-ի իր էջում գրում է, որ ֆուտբոլիստի հետ կապ են հաստատել «Բավարիայի» ներկայացուցիչները։ Ներկա պահին կողմերը բանակցություններ են վարում, որոնք հիանալի են ընթանում։ Վեյնալդումն անձամբ ցանկանում է տեղափոխվել Մյունխեն։
Այս մրցաշրջանում Վեյնալդումը մասնակցել է «Լիվերպուլի» 37 հանդիպումների Անգլիայի Պրեմիեր լիգայում ու 2 գոլ է խփել։
