Մադրիդի «Ռեալի» դարպասապահ Տիբո Կուրտուան ճանաչվել է Չեմպիոնների լիգայի շաբաթվա լավագույն ֆուտբոլիստ։
Բելգիացին մրցաշարի կիսաեզրափակիչի՝ «Մանչեսթեր Սիթիի» դեմ պատասխան խաղի շրջանակում 8 սեյվ է կատարել (լրացուցիչ ժամանակում՝ 3-1, ընդհանուր հաշիվը՝ 6-5):
Դարպասապահից բացի, մրցանակին հավակնում էին նաև «Մանչեսթեր Սիթիի» կիսապաշտպան Բեռնարդու Սիլվան, «Լիվերպուլի» կիսապաշտպան Լուիս Դիասն ու «Վիլյառեալի» կիսապաշտպան Ֆրանսիս Կոկլենը։