Փհենչհանում տեղի է ունեցել տղամարդկանց հոկեյի մրցաշարի եզրափակիչ հանդիպումը:
Օլիմպիական մարզիկներ Ռուսաստանից – Գերմանիա մրցավեճի հիմնական ժամանակում գրանցվել է ոչ-ոքի՝ 3-3, իսկ լրացուցիչ ժամանակում խփած գոլի օգնությամբ հաղթանակ են տոնել ռուս հոկեյիստները:
Մրցավեճն առանձնացել է իր դրամատիզմով: Ռուսները 3-րդ խաղափուլի սկզբնամասում հաղթում էին 2-1 հաշվով, հետագայում գերմանացիները կարողացել են առաջ անցնել հաշվի մեջ, իսկ խաղավերջում ռուս հոկեյիստ Նիկիտա Գուսևը հավասարեցրել է հաշիվը:
Ռուս հոկեյիստներից գոլի հեղինակ է դարձել Վյաչեսլավ Վոյնովը, 2 անգամ աչքի է ընկել Նիկիտա Գուսևը, իսկ Բունդեսթիմից մրցակցի դարպասը գրավել են Ֆելիքս Շուցը, Դոմինիկ Կահունը և Յոնաս Մյուլերը:
Վճռորոշ գոլը լրացուցիչ ժամանակում իր անվան դիմաց է գրանցել Կիրիլ Կապրիզովը՝ 4-3: