«Լիվերպուլը» «Լեյպցիգի» հարձակվող Տիմո Վերների հետ քննարկում է վերջինիս առաջարկվող պայմանագրի պայմանները: Այս մասին թվիթերյան իր էջում գրել է La Gazzetta dello Sport-ի լրագրող Նիկոլո Սկիրան:
Անգլիական ակումբը գերմանացուն, ըստ տեղեկությունների, առաջարկել է 5 տարվա համաձայնագիր՝ տարեկան 10 մլն եվրո աշխատավարձով՝ ներառյալ հավելավճարները: Հաղորդվում է, որ իր հայրենակցին հրավիրելն առաջնահերթ տարբերակ է գլխավոր մարզիչ Յուրգեն Կլոպի համար, և մերսիսայդցիներն արդեն բանակցություններ են վարում «Լեյպցիգի» հետ:
Վերները «Շտուտգարտի» սան է, որի կազմում հանդես է եկել 2013-2016թթ․, ինչից հետո համալրել ներկայիս թիմի շարքերը: Նա Բունդեսլիգայի ընթացիկ առաջնությունում մասնակցել է 25 խաղի, դարձել 21 գոլի ու 7 արդյունավետ փոխանցման հեղինակ: Տիմոն 2017 թվականից հրավիրվում է Գերմանիայի հավաքական:
Վերներ. «Ցանկանում եմ արտասահմանում խաղալ, ոչ թե՝ «Բավարիայում»