Իրավաբանական ընկերությունից հայտնել են, որ Մոսկվայի «Դինամոյի» երիտասարդ կիսապաշտպան Արսեն Զախարյանն այլևս չի կարողանա փոխել մարզական քաղաքացիությունը։

SILA International Lawyers-ը հայտարարել է, որ 18-ամյա ֆուտբոլիստն այլևս չի կարողանա փոխել մարզական քաղաքացիությունը և հանդես գալ Հայաստանի ազգային հավաքականում, քանի որ Զախարյանն արդեն խաղադաշտ է դուրս եկել Ռուսաստանի ազգային հավաքականի կազմում:

Զախարյանը ռուսների կազմում անցկացրել է 4 հանդիպում:

Ընթացիկ մրցաշրջանում Արսեն Զախարյանը Ռուսաստանի առաջնությունում անցկացրել է 21 հանդիպում՝ դառնալով 5 գոլի և նույնքան ասիստի հեղինակ: