«Բավարիան» հետաքրքրված է «ՌԲ Լայպցիգի» գլխավոր մարզիչ Յուլիան Նագելսմանի ծառայություններով:
Մյունխենյան ակումբը գերմանացուն առաջարկ կկատարի, եթե թիմի ներկայիս գլխավոր մարզիչ Հանս-Դիտեր Ֆլիկն ընդունի Գերմանիայի հավաքականի հրավերը:
Sport1-ը տեղեկացնում է, որ «Լայպցիգը» չի ցանկանում բաց թողնել 33-ամյա մասնագետին և նրանից բաժանվելու համար պահանջելու է նվազագույնը 15-20 միլիոն եվրո:
Նագելսմանը «ցլերին» մարզում է 2019 թվականից: Նրա պայմանագրի ժամկետը նախատեսված է մինչև 2023 թվականի հունիսը: