Անգլիայի լիգայի գավաթի 1/4 եզրափակիչ խաղերից հետո հայտնի դարձան կիսաեզրափակիչի մասնակիցներն ու զույգերը:
Կիսաեզրափակիչի ուղեգիր նվաճեցին «Մանչեսթեր Յունայթեդը», «Մանչեսթեր Սիթին», «Ասթոն Վիլան» և «Լեսթերը»: Վիճակահանության արդյունքում պարզ դարձավ, որ կիսաեզրափակիչում «Մանչեսթեր Յունայթեդը» կխաղա «Մանչեսթեր Սիթիի» դեմ, իսկ «Ասթոն Վիլան»՝ «Լեսթերի»: Հիշեցնենք, որ «Ասթոն Վիլան» 5-0 հաշվով ջախջախեց երիտասարդական թիմով հանդես եկած «Լիվերպուլին», «Մանչեսթեր Յունայթեդը» 3-1 հաշվով առավելության էր հասել «Կոլչեսթեր Յունայթեդի» նկատմամբ, իսկ «Մանչեսթեր Սիթին» ու «Լեսթերը» հաղթահարել էին համապատասխանաբար «Օքսֆորդ Սիթիի» և «Էվերտոնի» արգելքը:
Անգլիայի լիգայի կիսաեզրափակիչ առաջին խաղերը տեղի կունենան 2020 թվականի հունվարի 7-ին, իսկ պատասխան խաղերը՝ հունվարի 20-ին: