Այսօր մեկնարկել են Չեմպիոնների և Եվրոպա լիգայի որակավորման 3-րդ փուլերի վիճակահանությունները:
«Արարատ-Արմենիան» Եվրոպա լիգայի որակավորման 2-րդ փուլում Ջիբրալթարը ներկայացնող «Լինկոլնի» արգելքը հաղթահարելու դեպքում 3-րդ փուլում մրցելու է Վրաստանի չեմպիոն «Սաբուրթալոյի» և Խորվաթիայի չեմպիոն Զագրեբի «Դինամոյի» դիմակայության պարտվող թիմի հետ: Հանդիպումները նախատեսված են օգոստոսի 8-ին և 15-ին:
Հիշեցնենք, որ «Լինկոլնի» հետ առաջին հանդիպումը «Արարատ-Արմենիան» կանցկացնի արդեն վաղը՝ հուլիսի 23-ին, 19:00-ին Ավանի ակադեմիայի մարզադաշտում:
