Ինչպես ավելի վաղ հայտնել էինք, հաջորդ մրցաշրջանից Դորտմունդի «Բորուսիայի» գլխավոր մարզիչ է նշանակվելու Մյոնխենգլադբախի «Բորուսիայի» ներկայիս մարզիչ Մարկո Ռոզեն:
Գերմանացու հետ ստորագրվելու է 3 տարվա պայմանագիր, տեղեկացնում է kicker.de-ն:
Դորտմունդցիների ներկայիս մարզիչ Էդին Տերզիչը մնալու է իր պաշտոնում մինչև ամառ: Տերզիչը փոխարինել է Լյուսիեն Ֆավրին, որը պաշտոնանկ է արվել դեկտեմբերին:
Ռոզեն երկրորդ մրցաշրջանն է անցկացնում իր ներկայիս թիմում: Նախկինում նա գլխավորում էր «Ռեդ Բուլ Զալցբուրգը»:
