Եթե այնքան հաջողակ եք, որ երիտասարդ տարիքում ապրել եք Փարիզում, կարևոր չէ, թե ձեր կյանքի մնացած մասը որտեղ եք անցկացրել. Փարիզը ձեզ հետ է մնալու, քանի որ այն քայլող տոն է:
Էռնեստ Հեմինգուեյ
Աշխարհիս երեսին միայն երկու վայր կա, որտեղ կարող ենք մեզ երջանիկ զգալ՝ տունը և Փարիզը:
Էռնեստ Հեմինգուեյ
Փարիզն ինձ համար այնպիսի մի վայր է, որտեղ ուղղակի անծանոթ փողոցով քայլելն ասես կինոթատրոն գնալ լինի:
Ուես Անդերսոն
Փարիզն աշխարհի ամենագեղեցիկ վայրերից մեկն է: Դժբախտաբար ես այնքան էի կարոտում տունս, որ չէի գնահատում դրա սիրունությունը:
Թայրա Բենքս
Ես կարծում եմ, որ Փարիզը հասուն կնոջը սիրահարված մի 20-ամյա երիտասարդ է:
Ջոն Բերգեր
Պրահան 90-ականների Փարիզն է:
Մարիոն Ռոս
Փարիզը միակ քաղաքն է, որտեղ սովից մեռնելը մինչ օրս արվեստ է համարվում:
Կառլոս Ռուիզ Սաֆոն
Բայց Փարիզը հին քաղաք էր և մենք էլ երիտասարդ էինք, և ասեմ ձեզ, որ ոչինչ, բացարձակապես ոչինչ այնտեղ հեշտ չէր տրվում:
Էռնեստ Հեմինգուեյ
Ես չեմ հասկանում, թե ինչպես մարդիկ կարող են ապրել այլ վայրերում, եթե գոյություն ունի Փարիզը:
Մարիոն Կոտիյար
Եթե դերասանություն չանեի, Փարիզում իմ սեփական շոկոլադի խանութը կունենաի: Ես կլինեի հետաքրքիր, մի քիչ գեր կին, որն օր ու գիշեր շոկոլադ է պատրաստում:
Էմմա Բել
Ես սիրում եմ ֆրանսիացիներին, քանի որ անգամ երբ նրանք վիրավորում են քեզ, շատ գեղեցիկ են դա անում:
Ժոզեֆին Բեյքեր
Երբ գարունը Փարիզ է հասնում, նույնիսկ ամենախղճուկ քաղաքացին պետք է իրեն դրախտում ապրելուց զգա:
Հենրի Միլլեր
Փարիզը միակ քաղաքն է, որտեղ կարելի է ոչ մի էական բանով չզբաղվելով լավ ժամանակ անցկացնել:
Էրիխ Մարիա Ռեմարկ
Ասում են, որ լավ ամերիկացիները մահից հետո ուղևորվում են Փարիզ, իսկ վատ ամերիկացիները՝ Ամերիկա:
Օսկար Ուայլդ
Փարիզի կտուրնե՜րը: Պատուհանները լուսավորված են, ընտանիքի անդամները հավաքվում են կիրակնօրյա ճաշի սեղանի շուրջ: Նախկինում Ելիսեյան դաշտերում ապրածս և զգացածս հետ է վերադառնում, և ինչքան գեղեցիկ է շուրջս, այնքան ավելի վտարանդի եմ ես ինձ զգում:
Պաուլո Կոելիո
Բացեք սիրտս և դուք այնտեղ Փարիզը կտեսնեք:
Լուի Արագոն
Փարիզում բոլորը ցանկանում են դերասանությամբ զբաղվել և ոչ ոք չի ցանկանում դիտորդի կարգավիճակում լինել:
Ժան Կոկտո
Փարիզը բնակեցված միայնություն է:
Ֆրանսուա Մորիակ
Ամեն անգամ Փարիզ ուղևորվելիս սիրտս մի պահ կանգ է առնում, և կապ չունի, որ վերջերս եմ այնտեղ եղել: Ամեն անգամ այս քաղաք գալուց ես սրտատրոփ սպասում եմ, ամեն անգամ հեռանալուց՝ հիասթափություն ապրում:
Այրիս Մերդոկ
Փարիզում յուրաքանչյուր տղամարդ կին ունի:
Այրիս Մերդոկ
Փարիզը զվարճանքի այգի է: Իհարկե, բոլոր զբաղմունքները, որոնք հաճույք են քեզ պատճառում շատ թանկ արժեն, իսկ սպասարկողները՝ տհաճ և մռայլ անձնավորություններ են:
Մայքլ Կրայթոն
Փարիզը երբեք, երբեք չի ավարտվում և այնտեղ ապրած յուրաքանչյուր մարդու հիշողություններ տարբերվում են մնացածի հիշողություններից: Մենք միշտ վերադառնում ենք այնտեղ, անկախ նրանից, թե ով ենք և ինչքան է նա փոխվել, մենք վերադառնում ենք այնտեղ և էական չէ, թե ինչքան հեշտ կամ դժվար է եղել հասնել Փարիզ. նա արժանի է այդ բոլոր զոհողություններին և միշտ շնորհակալ է այն ամենի համար, ինչ մենք բերել ենք իրեն:
Էռնեստ Հեմինգուեյ
Փարիզը աշխարհի միակ քաղաքն է, որտեղ երջանիկ լինելը պարտադիր պայման չէ:
Ամելի Նոթոմբ
Միայն հիվանդ մարդիկ են Փարիզում տանը ճաշում:
Էրիխ Մարիա Ռեմարկ
Եթե չլիներ Մոսկվան, ես կցանկանայի ապրել և մեռնել Փարիզում:
Վլադիմիր Մայակովսկի
Թարգմանությունը՝ VNews-ի: