3. «Նկարիչը», Պաբլո Պիկասո
1998 թվականի սեպտեմբերի 2-ին Նյու Յորքից Ժնև ճանապարհին մի ինքնաթիռ կործանվեց: Բոլոր ուղևորները զոհվել են, և հետաքննությունը տևել է հինգ տարի և արժեցել գրեթե 57 միլիոն դոլար: Արդյունքում պարզվել է, որ հրդեհ է բռնկվել, ինչի պատճառով խափանվել են բոլոր շարժիչները: Այդ ինքնաթիռում եղել են զարդեր և ադամանդներ, ինչպես նաև Պաբլո Պիկասոյի 1963 թվականի «Նկարիչը» կտավը:
4. «Կոմպոզիցիա», Վասիլի Կանդինսկի
Եվս մեկ դեպք, երբ արվեստը տուժեց պատերազմի պատճառով. այս անգամ ոչնչացվեցին ավանգարդների և մոդեռնիստների աշխատանքները, որոնք հակասում էին Հիտլերի գեղարվեստական ճաշակներին: 1937 թվականին Յոզեֆ Գեբելսն առգրավեց Փոլ Կլեի, Մարկ Շագալի, Օտտո Դիքսի, Օսկար Կոկոշկայի, Պիետ Մոնդրիանի, Ալեքսեյ ֆոն Յավլենսկու, Էմիլ Նոլդեի և Վասիլի Կանդինսկու կտավները: Դրանք ներկայացվել են «դեգեներատ» արվեստի ցուցահանդեսում: Իսկ 1942 թվականին այս նկարիչների գործերից շատերն այրվել են: Նացիստների կողմից ոչնչացված գլուխգործոցների թվում են ռուս ավանգարդ նկարիչ Վասիլի Կանդինսկու երեք «Կոմպոզիցիաները»: Առաջինը պահպանվել է միայն լուսանկարում, իսկ երկրորդը՝ էսքիզի տեսքով:
5. «Չարինգ-Քրոսս Կամուրջ», Կլոդ Մոնե
2012 թվականին Ռոտերդամի Կունստալ թանգարանում տեղի է ունեցել ամենամեծ կողոպուտը: Մի քանի րոպեում հանցագործները կարողացել են հանել Պաբլո Պիկասոյի, Պոլ Գոգենի, Անրի Մատիսի, Լյուսիեն Ֆրոյդի, Մայեր դե Հաանի և Կլոդ Մոնեի կտավները: Ի դեպ, փորձագետները գողացվածի արժեքը գնահատել են առնվազն 100 մլն դոլար: Մեկ տարի անց քննիչները ձերբակալել են երեք կասկածյալի: Որոշ ժամանակ անց նրանցից մեկի մայրն ասել է, որ այնքան է վախեցել որդու համար, որ համաշխարհային գեղանկարչության գլուխգործոցները թաղել է գերեզմանոցում: Եվ հետո փորել և այրել:
