Իսպանիայի Սուպերգավաթի մրցանակաբաշխության ժամանակ Էդեն Ազարը «Ռեալի» միակ ֆուտբոլիստն էր, որը թիմային լուսանկարում առանց չեմպիոնական մեդալի էր:
Տեսախցիկները ֆիքսել են, որ մեդալն ստանալու պահին բելգիացին տխուր տեսք է ունեցել և, ամենայն հավանականությամբ, անմիջապես հանել է մեդալը:
Համացանցում տարածված լուսանկարների մեկնաբանություններում շատ ակտիվ են «Չելսիի» երկրպագուները: Նրանցից շատերը պահանջում են վերադարձնել Ազարին՝ հիշեցնելով լոնդոնյան ակումբի չեմպիոնական լուսանկարներն ու ֆուտբոլիստի զվարթ տեսքը: