«Hollywood Reporter»-ը գրում են՝ HBO հեռուստաալիքի «Գահերի խաղը» հայտնի սերիալի հեղինակները՝ Դեյվիդ Բենիոֆն ու Դենիել Ուեյսը, լքում են հեռուստաալիքն ու տեղափոխվում Netflix:
Աղմկահարույց սերիալի հեղինակները, պարզվում է, 200 միլիոն դոլար արժեցող պայմանագիր են կնքել Netflix-ի հետ: Պայմանագրի համաձայն նրանք դեռ մի քանի տարի աշխատելու են Netflix-ի համար՝ նոր ֆիլմեր և նախագծեր հեղինակելով:
«10 տարուց ավելի է, ինչ HBO-ի հետ ենք աշխատում, և կասենք, որ այդ տարիները մեր կյանքի ամենագեղեցիկ շրջաններից էին: Շնորհակալ ենք, որ HBO-ում մեզ զգացել ենք, ինչպես տանը: Netflix-ը զարմանահրաշ, աներևակայելի բաներ է ստեղծել, և մենք հպարտ ենք, որ մեզ հրավիրել են միանալ իրենց»,- հայտարարել են Բենիոֆն ու Ուեյսը:
Հիշեցնենք, որ «Գահերի խաղը» սերիալի համար հիմք է դարձել Ջորջ Մարտինի «Սառույցի և կրակի երգը» գրքաշարը: Այն նկարահանվում է 2011 թ. սկսած: